Високиот претставник на ЕУ за надворешни работи и безбедносна политика, Жозеп Борел денеска во седиштето на Обединети нации изајави дека недостига помош за Појасот Газа, а гладот се користи како „воено средство“.
– Оваа хуманитарна криза… не е природна катастрофа, не е поплава, не е земјотрес, таа е вештачки создадена, посочи Борел.
Тој додаде дека помошта што влегува во Појасот Газа по копно е далеку под нивото од пред војната.
– Кога бараме алтернативни начини за давање поддршка, по море или од воздух, мораме да потсетиме дека тоа мора да го направиме бидејќи природниот начин на обезбедување поддршка преку копно е затворен, вештачки е затворен, истакна Борел.
Според него „гладот се користи како воено средство“, додавајќи дека „кога го осудуваме ова што се случува во Украина, мораме да ги користиме истите зборови и за тоа што се случува во Газа“.
Борел постојано го критикува Израел за неговото однесување за време на војната во Појасот Газа, во која загинаа повеќе од 31.000 Палестинци, главно жени и деца, според Министерството за здравство на територијата на Хамас.
Преземено од: Линк
