Кошаркарскиот клуб Алба од Берлин веројатно следната сезона нема да биде дел од Евролигата.
Според добро информираниот новинар Арис Баркас од специјализираниот кошаркарски портал „Јурохупс“, голема е можноста тимот од Берлин следната сезона да игра во Еврокупот.
Според овој извор место на Алба ќе го заземе шампионот во Еврокупот. Париз моментално е во финалето, во исчекување на победникот од мајсторката меѓу Бург и Бешикташ.
Новинарот Баркас, во својот текст тврди дека Бург не е во плановите на челниците на Евролигата, но како интересни кандидати се претставени Париз и Бешикташ, кои би можеле да изборат пласман во Евролигата следната сезона.
За да може една од споменатите екипи да обезбеди место во елитата, мора да се ослободи едно место. Според сите проценки, во тој случај во Еврокупот би се преселила Алба.
Преземено од: TopSport
