Вчера (2 април) во 12 часот во СВР-Гостивар, 48-годишен гостиварец, пријавил дека во текот на месец март 2024 година бил во работилница кај лицето Е.,,Н“. од Гостивар за поправка на мобилен телефон, каде му било кажано дека мора да го остави и дека за услугата кај производителот треба да уплати 2,99 евра со платежна картичка. Тој се согласил и на лицето му пратил фотографија од својата картичка.
„Потоа, на 14.03.2024 на неговиот мобилен телефон добил СМС известување дека од неговата платежна картичка се извршени повеќе плаќања и веднаш го контактирал пријавениот, кој го убедувал ќе го расчистат направениот пропуст. На 01.04.2024 година оштетениот добил информација од својата банка дека нема повеќе средства на сметката, односно дека му се земени 535 483 денари.“, соопшти полицијата.
Од таму додаваат дека се преземат мерки и активности за расчистување на случајот.
Преземено од: GostivarPress
