Сè започнало на 24 април 2005 година. кога бил објавен првиот спот „Јас во зоолошката градина“. Се друго е историја, велат од тимот на Јутуб.
Пред точно 19 години, Џавед Карим, еден од ко-основачите на YouTube, го постави првото видео на платформата. YouTube е основан во февруари 2005 година, а почетокот на се е означен со едноставно видео објавено на 24 април истата година.
Видеото наречено „Me at the zoo“ е снимено во зоолошката градина во Сан Диего и трае само 18 секунди. Не користи камера со висока резолуција, филмска екипа, монтажа или специјални ефекти.
Карим, младиот човек кој се појавува во видеото, зборува за слоновите, што го прави видеото посебно поради неговата едноставност. Карим им вели на гледачите: „Во ред, еве сме пред слоновите“.
Овие и уште неколку скромни зборови станаа историски бидејќи го означија почетокот на ерата на споделување видео.
Видеата објавени на YouTube денес привлекуваат милијарди прегледи. Најгледано видео на платформата е детската песна „Baby Shark“ која досега собра неверојатни 14 милијарди прегледи. На второ место е „Despacito“ на Луис Фонси со осум милијарди прегледи.
Растот и влијанието на YouTube врз глобалната поп култура и комуникација не може да се игнорираат. Платформата им овозможи на поединците ширум светот да ги споделат своите приказни, знаења и таленти и индиректно создаде сосема нови кариери и индустрии.
YouTube исто така стана клучна алатка во маркетингот, образованието и политичката комуникација, потврдувајќи ја нејзината важност и релевантност во дигиталната ера.
Преземено од: GostivarPress
