Општинската организација на Црвениот Крст Гостивар, денес го спроведе Општинскиот натпревар по прва помош за средните училишта од регионот.
Во натпреварувањето учествуваа осум екипи од средните училишта од Гостивар и средното училиште од Маврово и Ростуше. Тимовите на три пункта со импровизација на повредени лица, ги презентираа стекнатите знаења, вештини и техники за укажување прва помош. Освен тоа, требаше да ги покажат своите знаења и на пунк за дисеминација и ментално здравје.
Како што информираа од Црвен Крст, првото место го освои втората екипа на медицинското училиште, второто место го освои првата екипа од СОУ „Маврово и Ростуше“ и третото место, првата екипа од гостиварската гимназија.
За регуларноста и оценувањето на екипите во овие натпревари се грижеа 16 судии – доктори и демонстратори за Прва помош.
Преземено од: GostivarPress
