Двојните избори 2024 на подрачјето на Општина Гостивар почнаа навреме, гласањето утрово се одвива без пречки и проблеми, информираа за Gostivarpress.mk од Општинската изборна комисија. Сите избирачки места биле отворени во седум часот утрово.
„Ги исконтактиравме сите избирачки одбори, гласањето почна навреме и се одвива непречено. Сите избирачки места беа отворени во 7 часот утрово.“, рече Ајше Османи, потпретседател на ОИК Гостивар.
На територијата на Општина Гостивар гласањето се одвива на 121 избирачко место. Според податоците од Државната изборна комисија на претседателските избори во Гостивар право на глас имаат 81.517 граѓани, додека на парламентарните 81.612.
Првата прес конференција на ДИК за процентот на излезеност е закажана во 9.30 часот.
Преземено од: GostivarPress
