Амбасадорот на Унгарија во Македонија, Андраш Клајн, во придружба на аташето Габор Радечи, денес беше во посета на општина Гостивар и оствари средба со в.д. градоначалникот Валбон Лимани. Се разговарало на различни теми со акцент на можностите за соработка и поддршка во областа на културата, информираа од локалната самоуправа.
„Имав важна средба со амбасадорот на Унгарија во нашата земја, г-дин Андраш Клајн и аташето Габор Радечи. Чест е што дипломатите од ова ниво се заинтересирани и го почитуваат нашиот град. Одлучивме да развиеме интензивна соработка особено во културата меѓу нашиот град и Унгарија. Со добри пријатели сѐ е подобро.“, истакна Лимани.
При средбата, домаќинот и гостите разменија пригодни симболични подароци, во насока на развивање натамошно партнерство и запознавање со културите и традициите на двете страни.
Преземено од: GostivarPress
