Гостивар: Во полиција задржано лице пријавено за вознемирување и обид за грабнување на малолетничка

СВР Тетово информира дека вчера (20 август) во 17 часот во Гостивар, полициски службеници од ОВР Гостивар го лишиле од слобода С.Т.(26) од Гостивар, постапувајќи по претходна пријава дека вознемирувал малолетничка од Гостивар и се обидел со употреба на сила да ја внесе во неговото возило, но не успеал.

За настанот бил известен јавен обвинител, а лицето било задржано во полициска станица. По целосно документирање на случајот ќе биде поднесена соодветна пријава, извести полицијата.