Во три одвоени случаи на грчките острови Тилос, Родос и Гавдос, крајбрежната служба на Грција открила и спасила вкупно 177 мигранти, јави дописничката на МИА од Атина.
Крајбрежната служба на островот Тилос, била информирана од полициската станица дека во конкретна, тешко проодна област постои група мигранти, по што веднаш на терен излегле два патролни чамци, еден патролен брод и голем брод на службата, што успеал да стигне до местото и да спаси 106 лица, меѓу кои 37 се деца.
Сите биле во добра здравствена состојба и пренесни на пристаништето на островот.
Паралелно недалеку од Тилос, северно од соседниот остров Родос, во морскиот дел меѓу турското и грчкото крајбрежје утрово биле спасени 26 бегалци и мигранти и пренесени на пристаништето на Родос.
Третиот случај е јужно од малиот остров Гавдос во близина на Крит, каде што утрово биле спасени 42 лица со чамец и префрлени на островот.
Преземено од: Линк
