Брокулата е зеленчук без кој здравата и урамнотежена исхрана е речиси невозможна. Сепак, многумина сè уште не се целосно свесни колку е моќна оваа храна кога станува збор за здравјето. Брокулата содржи двојно повеќе витамин Ц од портокалите. Тоа е витамин кој помага во искористувањето на железото, ја спречува појавата на катаракта, ги ублажува симптомите на настинка и ја зајакнува општата одбранбена способност на организмот. Брокулата е член на важно семејство на зеленчук што вклучува карфиол, зелка и кељ. Најдобро е да се вари на пареа или да се готви кратко време, бидејќи губи најмалку витамини.
Ризница на витамини
Една порција брокула има само 25 калории, помалку од 5 грама јаглени хидрати, нула масти и многу витамини. Содржи витамин К, кој е важен за згрутчувањето на крвта и здравите коски. Брокулата содржи и витамини од групата Б, особено Б3, Б5 и фолна киселина. Има многу калиум, кој го регулира високиот крвен притисок, а содржи и фосфор и железо. Се верува дека поради сите овие својства ги спречува воспалителните процеси во телото.
Брокулата е богата со растителни влакна
Само два до три грама влакна од брокулата прават чуда кога станува збор за здравјето на дигестивниот систем. Го зајакнува имунитетот и доброто расположение, го намалува ризикот од дијабетес тип 2. Влакната гарантираат ситост по оброкот и ја забавуваат апсорпцијата на јаглени хидрати, што го спречува наглото зголемување на шеќерот во крвта.
Заштитува од најтешките болести
Сите членови на фамилијата зеленчук, на која припаѓа брокулата, со своите својства можат да го спречат растот на клетките на ракот. Некои студии сугерираат дека штити од рак на дебелото црево, дојката, белите дробови и простатата. Изотиоцијаните кои се наоѓаат во брокулата ги обновуваат цервикалните, хепатоцелуларните, јајниците и панкреасните клетки погодени од рак. Некои студии велат дека овој зеленчук има и силни антиинфламаторни својства во лекувањето на клетките на леукемијата.
Го штити срцето
Брокулата содржи и хром, минерал кој го регулира шеќерот во крвта и помага во спречување на дијабетес, висок холестерол и болести на крвниот систем. Брокулата го стимулира производството на ензим кој ги штити срцевите клетки од разни оштетувања.
Го штити мозокот
Брокулата е богата со витамини кои ги подобруваат когнитивните функции. Некои хранливи материи кои се наоѓаат во овој зеленчук го штитат здравјето на мозокот и неговите ткива. Овој зеленчук е и добра превенција против опаѓањето на мозочните функции што доаѓа со возраста.
Ги штити коските
Брокулата содржи многу хранливи материи важни за јачината и густината на коските како витамин К, калиум, магнезиум, фосфор, калциум, железо, цинк, витамини А, Б и Ц.
Заштитува од воспаление
Се верува дека брокулата штити од воспаленија, го забавува стареењето на организмот и го намалува ризикот од хронични заболувања. Има својства кои ги штитат клетките и на тој начин го забавуваат стареењето. Помага при ревматоиден артритис, воспалителни процеси на кожата, а исто така незаменлива е во сите диети кои промовираат здраво слабеење.
Природна детоксикација
Состојките на овој зеленчук помагаат да се деактивираат потенцијално штетните хемикалии во организмот, а помагаат и за побрзо исфрлање од телото.
Моќен антиоксиданс
Содржи антиоксиданси кои ја штитат кожата од ефектите на УВ зрачењето. Лутеинот и зеаксантинот во брокулата ги штитат очите и го намалуваат ризикот од најчестите проблеми со очите – катаракта и макуларна дегенерација.
Преземено од: GostivarPress
