Нон-пејперот на Словенија и Германија за укинување на ветото во процесот на преговори со ЕУ за билатералните прашања со цел да се забрза процесот на проширување, бил познат за македонската влада уште за време на берлинскиот процес. Премиерот Мицкоски откри дека идејата била презентирана на неформалниот ручек од словенечкиот премиер уште во октомври и рече дека ова треба да важи за целиот тек на преговорите, а не само за нивно отворање.
“Јас за ова прв пат слушнав на маргините на берлинскиот процес, каде словенечкиот премиер на вечера тоа го кажа, нон пејпер 27-1 да одлучуваат за ваков тип на прашања бидејќи вие можете да биде жртва на вето, и по патот на преговорите не само на почеток на преговорите, вака вели Бугарија кога ќе се отвори првиот кластер повторно треба да разговараме за малцинските права и повторно вето, затоа што некој политички маргинален така одлучил. Така, што или ќе го поставиме процесот на вистинските шини или ќе бидеме жртви на процесот. Подобор е да бидеме делумна жртва, отколку целосен плен и може да се разговара со техничката владата во Бугарија.”
Мицкоски утре заминува во Брисел, каде што веќе има договорено средба со високиот претставник на ЕУ за надворешна и безбедносна политика за, како што вели, да го заокружи кругот на средби на кои се објаснуваат македонските аргументи.
Преземено од: Линк
