Топлото чоколадо е еден од нашите омилени зимски пијалоци, кој често го поврзуваме со празниците и пријатна домашна атмосфера додека надвор е студено.
Не само што не грее, туку и во нас го буди хормонот на среќа, поради што расположението веднаш ни се подобрува, дури и во мрачен врнежлив ден.
Потребни состојки:
- 130 гр исечкано темно чоколадо
- 450 мл млеко
- 1 лажичка цимет
- 1 лажичка екстракт од ванила
- прстофат сол
- 1 чили пиперка, исечена на половина по должина, без семки
- 2 лажички шеќер (може да користите и кафеав шеќер или мед)
- 2 чашки ракија или рум по желба
Подготовка:
Чоколадото растопете го во помал сад на умерена температура со малку млеко. Измешајте го остатокот од млекото, циметот, ванилата и солта. Додадете го чилито и оставете сè да се загрее, внимавајќи да не зоврие. Тргнете го од оган и оставете го да отстои 10 минути, а потоа отстранете го чилито. Постепено додавајте шеќер, мешајќи и вкусувајќи додека не го достигнете идеалното ниво на сладост. По желба во оваа фаза можете да додадете малку ракија или рум за дополнителна арома. Истурете во шолја, декорирајте по желба и уживајте во ова совршено кремасто и зачинето топло чоколадо.
Со овие мерки, ќе добиете две до три чаши топло чоколадо, во зависност од големината на чашите.
Преземено од: GostivarPress
