И во новата 2025 година по грегоријанскиот календар, на 6-ти јануари во Гостивар најмалите ќе го најават Христовото раѓање со Бадникова поворка низ градот. По тој повод, гостиварското архијерејско намесништво информира дека на третиот ден во новата година со почеток во 10 часот, ќе се одржи првата проба за Бадниковата поворка 2025.
„Со благослов на Митрополитот тетовско-гостиварски Г. Јосиф, традиционално и оваа година ќе се одржи Бадниковата поворка низ градот Гостивар со која нашите најмили дечиња ќе го најават Христовото Раѓање – Божиќ. За таа цел ги повикуваме сите дечиња од гостиварскиот регион кои сакаат да земат учество да се пријават во соборниот храм “Успение на Пресвета Богородица” во Гостивар на ден 03.01.2025 (петок) во 10 часот кога воедно ќе се оддржи и првата проба.“, информира Македонската Православна Црква-Охридска Архиепископија, Тетовско-Гостиварска Епархија.
Дечињата како што налага традицијата ќе ја пеат старата коледарска песна “Вечниот Бог“ во пресрет на празникот Божиќ.
Gostivarpress.mk е дел од оваа традиција уште од нејзиното започнување, вака најмалите го најавуваа Христовото раѓање годините наназад:
2017 година
2018 година
Дечињата во Гостивар со песна го најавија Христовото раѓање (фото)
2019 година
Со радост и песна најавено Христовото раѓање – Бадникова поворка 2019 во Гостивар (фото)
2020 година
Бадникова поворка по петти пат во Гостивар – дечињата создадоа празнична атмосфера низ улиците
2022 година
Бадникова поворка 2022, Гостивар ја продолжи традицијата за Бадник
2023 година
Бадникова поворка 2023 во Гостивар-Ангелчињата ги стоплија срцата на христијаните
2024 година
Ангелчињата во Гостивар го најавија Христовото раѓање-Бадникова поворка 2024
Преземено од: GostivarPress
