Македонската ракометна репрезентација одигра нерешено на првиот натпревар од Светското ракометно првенство.
„Црвено-жолтите“ одиграа 27:27 (14:14) со фаворизираната Унгарија во салата во Вараждин, каде имавме голема поддршка од македонските навивачи.
Сепак нашите ракометари можат да жалат бидејќи ја имаа победата во раце, но ја испуштија во финишот на дуелот.
По нерешените 14-14 на полувреме, второто полувреме се играше гол за гол, а резултатот почна да се крши во последните 2-3 минути. Кузмановски погоди за 26-27 на минута и пол до крајот, а Митревски го одбрани следниот напад на Унгарците. Сепак и ние ја загубивме топката заради пасивен напад, а Унгарците преку Илиќ израмнија на 27-27 во последните секунди.
Најефикасни во нашиот тим беа Кузмановски со десет и Митев со три гола, а кај Унгарија Илиќ постигна шест гола.
Во следното коло Македонија во петок игра со Холандија, а Унгарија излегува против Гвинеја. МИА
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Преземено од: Линк
