Манчестер сити има само четири победи во последните 17 натпревари во сите натпреварувања. Шампионскиот тим на Пеп Гвардиола изгледа непрепознатливо оваа сезона и во моментов изгледа дека не може да се вклучи во трката за титулата во Премиер лигата.
Фил Фоден е сигурен дека клубот нема да ја освои петта последователна шампионска титула во Англија. Тој тврди дека тоа е „завршена работа“, откако неговиот тим, со натпревар помалку, заостанува 12 бода зад лидерот Ливерпул.
„Титулата оваа година? Мораме да гледаме реално на работите. Тоа ни е јасно. Не сме глупави. Целиме на едно од првите четири места и ѓто е можно подобар резултат во Лигата на шампионите. Мораме да бидеме реални. Нашите настапи не се на посакуваното ниво“.
Фоден има постигнато четири гола во Премиер лигата на 16 одиграни натпревари оваа сезона. Во Лигата на шампионите на пет натпревари додаде три гола.
Преземено од: TopSport
