Ракометарите на Еурофарм Пелистер го совладаа Алкалоид со 33-20 (16-11) во дерби натпреварот од 19 коло во македонската Суперлига кое вечерва се одигра пред полни трибини во салата „Боро Чурлевски“ во Битола.
Со овој триумф актуелниот македонски првак му се реваншираше на составот предводен од Кирил Лазаров за поразот од седум голови разлика на првиот натпревар во Скопје во ноември лани и на три кола до крајот од регуларниот суперлигашки дел го презеде водството на табелата од Алкалоид.
Доколку очекувано триумфира на преостанатите натпревари, Еурофарм Пелистер ќе пренесе во плејофот максимални три бодови, еден повеќе од главните конкуренти во битката за титулата Алкалоид и Вардар 1961.
Најефикасен во редови на победнилкиот тим беше Филип Кузмановски со 11 голови, а голмнот на Еурофарм Пелистер, Никола Митревски го заврши натпреварот со 12 интервенции.
Преземено од: Линк
