Натпреварите на Израел против Македонија и Црна Гора во рамки на Европската златна лига ќе се играат пред празни трибини во салата „Парк“ во Струмица.
Ова денеска го соопшти Одбојкарската федерација на Македонија (ОФМ), истакнувајќи дека одлуката е донесена од безбедносни причини, поради „воено – политичката ситуација во која се наоѓа Израел“, а по препорака на македонското Министерство за внатрешни работи.
ОФМ викендов во Струмица е домаќин на третиот натпреварувачки викенд од ЦЕВ Европската Златна лига 2025.
Натпреварот меѓу репрезентациите на Македонија и Израел, закажан за в петок, од 20 часот, а од истите причини пред празни трибини дуелот меѓу Израелците и Црна Гора, в сабота, од 20 часот во салата „Парк“ ќе се игра зад затворени врати.
Љубителите на одбојката во живо ќе може да го следат единствено натпреварот меѓу Македонија и Црна Гора, в недела, од 20 часот.
Сите натпревари од турнирот во Струмица ќе имаат директен телевизиски пренос на националниот сервис (МРТ3).
Преземено од: Линк
