Александар Митровиќ би можел да се врати во Њукасл, тимот каде што ја започна својата кариера во Премиер лигата, пишуваат британските медиуми.
Тренерот на Ал-Хилал, Симоне Инзаги, повеќе не смета на српскиот напаѓач, а сè повеќе знаци укажуваат дека најдобриот стрелец во историјата на српската репрезентација ќе заврши на Островот.
И додека во претходните недели се пишуваше дека Манчестер јунајтед е сериозно заинтересиран за Србинот, најновите информации од Англија откриваат дека Њукасл сака да го врати својот поранешен напаѓач.
Главната причина зошто „страчките“ го сакаат Митровиќ е затоа што Александар Исак, најдобриот стрелец на тимот, сака да го напушти клубот.
Во својот прв мандат во Њукасл од 2015 до 2018 година, Митровиќ одигра 65 натпревари, постигна 14 гола. По епизодата на „Сент Џејмс Парк“, Митровиќ се пресели во Фулам. Пред да замине во Ал Хилал, тој постигна 97 гола на 173 натпревари во дресот за тимот од Лондон.
Преземено од: TopSport
