Демонстранти ги демолираа просториите на Српската напредна странка во Нови Сад вечерва откако претходно организираа собир пред Безбедносната и информативна агенција (БИА) во градот.
Демонстрантите извикуваа слогани против српскиот претседател Александар Вучиќ и СНС и фрлаа камења кон просториите каде вчера имаше големи инциденти откако приврзаници на таа партија фрлаа со пиротехника кон луѓето кои протестираа. .
Вечерва пред просториите на СНС немаше симпатизери и членови на таа партија ниту припадници на полицијата.
Napeto u Kneza Miloša! pic.twitter.com/gfypc6nNHI
— Zeleno-levi front (@nedavimobgd) August 14, 2025
Центарот на Нови Сад и понатаму е блокиран за сообраќај.
Во Белград припадници на жандармеријата стојат меѓу учесниците на протестот и простории на СНС лоцирани во центарот на градот.
И во Белград демонстрантите скандираат пароли против српскиот претседател Александар Вучиќ и полицијата.
Стотици студенти и граѓани го блокираа сообраќајот помеѓу зградите на српската влада и поранешниот Генералштаб, како дел од протестот „Вечерва пукате по шевовите“.
Stampedo i suzavac u Nemanjinoj – šalju nam sa lica mesta naši poslanici i odbornici! pic.twitter.com/mhPYHcno4m
— Zeleno-levi front (@nedavimobgd) August 14, 2025
Протести има и во над 20-на градови низ Србија.
Засега нема потврда од Кабинетот за инфомацијата на српски медиуми дека српскиот претседател Александар Вучиќ околу полноќ ќе има вонредно обраќање до нацијата по неколкудневните протести.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Преземено од: Линк
