По повод почетокот на учебната година премиерот Мицкоски и министерката Јаневска во посета на ООУ „Кирил Пејчиновиќ“ во Кисела Вода

По повод почеток на новата учебна година претседателот на Владата Христијан Мицкоски и министерката за образование и наука Весна Јаневска денеска ќе го посетат ООУ „Кирил Пејчиновиќ“ во Општина Кисела Вода. 

Предвидено е премиерот Мицкоски да даде изјава за медиумите.

Министерството за образование и наука соопшти дека во учебната 2025/2026 година настава во основните и во средните училишта ќе посетуваат 245 илјади ученици. Во основните училишта има 177.800 ученици од кои 17.250 првачиња, додека средно училиште ќе посетуваат 67.200 ученици.

МИА