Федералниот апелациски суд во Бостон вчера пресуди дека администрацијата на американскиот претседател Доналд Трамп не може да им го одземе државјанството на децата родени во Соединетите Држави од родители кои се во земјата нелегално или привремено.
Судот во Бостон стана петтиот федерален суд од јуни што издаде или потврди пресуда со која се блокира извршната наредба на Трамп за државјанство по право на раѓање, одредба што е вградена во 14-тиот амандман на Уставот на САД.
Судиите ги потврдија прелиминарните забрани од пониските судови што го блокираа укинувањето на државјанството по право на раѓање, потпишано на денот кога Трамп ја презеде функцијата во јануари. Извршната наредба на претседателот автоматски ќе им го одземе државјанството на децата родени во Соединетите Држави од родители кои се во земјата нелегално или привремено.
Во септември, администрацијата на Белата куќа побара од Врховниот суд на САД да ја потврди наредбата на Трамп со која се укинува државјанството по право на раѓање. Процесот пред Врховниот суд би можел да доведе до конечна одлука за тоа дали ограничувањата за државјанство се уставни.
МИА
Преземено од: Линк
