Светот на боксот го потресе трагична вест од Нигерија. Поранешниот двократен светски шампион во тешка категорија, Ентони Џошуа, бил вклучен во тешка сообраќајна несреќа во понеделникот во која две лица ги загубија животите. За среќа, боксерот помина со полесни повреди.
Несреќата се случила во понеделник околу 11 часот наутро на прометниот автопат Лагос-Ибадан во нигериската држава Огун. Според првите информации, возилото „Лексус“ во кој седел Џошуа директно удрило паркиран камион.
Познатиот 36-годишен боксер, кој патувал во конвој од две возила, во моментот на судирот седел на задното седиште.
Еден од очевидците раскажал што се случило. „Беше конвој од две возила. Џошуа седел зад возачот, а до него имало уште едно лице. Возачот бил придружуван од патник, што значи дека во „Лексус“ што се судрил имало четири лица“, рекол сведокот, додавајќи дека тој и другите минувачи веднаш им притрчале на помош на жртвите.
Службеници на Федералната управа за безбедност на патиштата набрзо пристигнале на местото на несреќата. И покрај силата на ударот и целосно смачканиот автомобил, Ентони Џошуа е надвор од животна опасност. Фотографии на кои е прикажан видливо потресен боксер како седи во уништено возило се проширија низ интернет.
Џошуа беше на одмор во Нигерија, татковината на неговите родители, по неодамнешната победа со нокаут над јутјуберот Џејк Пол на 19 декември во Мајами.
Преземено од: TopSport
