Вардар денеска официјално стана новиот фудбалски шампион на Македонија, откако славеше на гостувањето кај Струга со 0:1.
Вардарци успеаа да дојдат до водство уште рано во натпреварот, кога во петтата минута Стефан Цветковиќ успеа да погоди за водство на скопјани.
Струга во второто полувреме имаше неколку одлични шанси, но голманот на Вардар Талевски беше сигурен и ја сочува предноста на својот клуб.
Со оваа победа Вардар ја осигура титулата на едно коло пред крајот и ќе учествува во квалификациите за Лигата на шампионите.
Од останатите македонски претставници во Европа, Шкендија ќе настапи во Конференциската лига, а третиот претставник ќе биде познат по Купот на Македонија.
Преземено од: Линк
