Полициски службеници од СВР Тетово вчера попладне (23 јули) лишија од слобода три лица и го расчистија убиството кое се случи во гостиварско Дебреше околу 17.15 часот, информираше МВР.
„Веднаш по добиената пријава дека е пукано врз Р.К.(35) од Дебреше воспоставена е оперативна акција “обрач” за пронаоѓање и лишување од слобода на сторителите. По кратко време, сторителите се лишени од слобода и тоа Б.В.(28), Ј.В (31) и Љ.В.(32), а пронајдена е и автоматската пушка од која е пукано, како и возилото “волво” со кое сторителите се оддалечиле од местото на настанот.“, стои во полициското соопштение.
По документирање на случајот, ќе биде поднесена кривична пријава до надлежното ОЈО.
Преземено од: GostivarPress
