“Оди си” е насловот на најновото музичко издание на младата и талентирана пејачка Драгана Јовановска, која полека, но сигурно го гради својот музички пат на македонската сцена.
“Оди си” беше вчера објавена на скоро сите музичките платформи, а веднаш потоа Драгана ја сподели и на социјалните мрежи. Ако може да се суди по првите коментари, тогаш ќе заклучиме дека младата пејачка има одлична летна нумера.
“Драго ми е што може да прочитам позитивни коментари. Можеби оваа песна до сега ми е фаворит, иако и претходните си имаат свој печат и квалитет, нормално. Оваа ми беше љубов при првото пеење и смислување на рефренот. Оваа песна е моја прва соработка со Иван и мислам дека супер се вклопивме и се разбравме што сакаме да направиме. За текстот беше задолжен Таско, кој својата работа ја заврши фантастично. Задоволна сум од тоа каков пакет направивме и се надевам дека публиката ќе ужива во новата песна и видеозапис за истата.” – вели младата пејачка.
Драгана како и за претходните песни “Случајно”, “Гламур”, “Камиказа”, така и за најноватa сними одличен видеоспот со тимот на “Урбан Рекордс”.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Преземено од: Линк
