Во криптата на базиликата Сан Клементе во Рим пред вечното почивалиште на словенскиот просветител Свети Кирил, одекна молитва на македонски јазик. Со молебенот чиноначалствуваше архиепископот охридски и македонски г.г. Стефан во сослужение со митрополитите Пимен и Георгиј. Во словото за св. Кирил архиепископот порача дека делата на сесловенските просветители не исчезнале со неговото и делото на Методиј не исчезнало со вековите и дека нивната жртва раѓа нови плодови.
Во ова време невреме поглаварот порача дека сите сме повикани да се угледаме на мисионерско дело на светите рамноапостоли кои се темел на нашата историја,писменост и духовен континуитет.
Чествувањето по повод Св.Кирил и Методиј во Рим продолжи со посета на папската базилика „Санта Марија Маџоре“.
Македонската делегација положи венец на спомен плочата испишана на македонски јазик.
Поклонувањето пред македонската спомен плоча има огромно значење за македонската културна дипломатија. Поставена е во 2015 година, во знак на благодарност на папата Адријан Втори кој во 868та во оваа базилика ги осветил првите словенски книги донесени од браќата Кирил И Методиј. Делегацијата оддаде почит и на гробот на папа Франциск кој почина минатата година.
Преземено од: Линк
