Искра Хаџи Василева освои најмногу гласови на денешното гласање за избор на шеф на Основното јавно обвинителство за гонење организиран криминал и корупција (ОЈО ГОКК).
Според официјалните резултати што ги објави Советот на јавните обвинители, Хаџи Василева добила 64 гласа, додека втор според бројот на освоени гласови е Трајче Пеливанов со 57 гласа.
Јован Цветановски освоил 30 гласа, Фатон Азизи 14, а Лидија Раичевиќ шест гласа.
Од вкупно 187 јавни обвинители со право на глас, гласале 175, додека 12 не го искористиле своето право на глас. Четири гласачки ливчиња биле неважечки.
Изборот се спроведува поради истекувањето на мандатот на досегашниот раководител на ОЈО ГОКК, Ислам Абази, кој беше избран на функцијата во октомври 2022 година.
Преземено од: Линк
