Фудбалерите на Арсенал го победија Хал со 1:0, во натпреварот од 10-тото коло од Премиер лигата. Во истиот термин Фулам и Њукасл ремизираа 1:1.
„Топџиите“ успеаја да освојат три бода со многу мака, а единствениот гол беше постигнат во 72-та минута.
Мартин Едегор најдобро се снајде откако Цолакис го одби шутот на Мадуеке.
Домашниот тим ја имаше иницијативата, но недостасуваа големи шанси, пред и по голот.
Мадуеке имаше добра ситуација во финишот по одличното додавање на Мерино, но ја упропасти во желбата да го издрибла Цолакис.
Арсенал останува прв на табелата со 27 бода, додека Хал е 13-ти со 11 бода и нема победа од 29 август.
Во истиот термин, Фулам и Њукасл одиграа нерешено 1:1.
Двата гола беа видени во завршницата. Марфи им донесе водство на „страчките“ во 80-та минута, а Родриго Муниз изедначи во 83-та минута.
Њукасл е 11-ти на табелата со 12 бода, додека Фулам е 15-ти со два бода помалку.
Foto/ Depositphotos
Преземено од: TopSport
