(Видео)Португалија му се поклони на Роналдо, па доживеа дебакл од Данска

Навивачите на Португалија нема по добро да се сеќаваат на 14 ноември 2026, денот кога официјално се збогуваа со својата најголема легенда, Кристијано Роналдо.

Натпреварот во Брага започна во свечен тон, а заврши со фрустрации и свирежи. Данска победи со убедливи 4:1.

Сè започна со пенал за гостите на крајот од полувремето, по игра со рака на Рубен Дијаш. Хојбјерг беше прецизен од 11 метри.

Во продолжението, на сцена стапи напаѓачот на Данците, Расмус Хојлунд. Првиот гол го постигна во 49-тата минута, вториот осум минути подоцна.

Кога Андерсен го постигна четвртиот гол за гостите, следеа непријатни сцени – португалските навивачи го напуштија стадионот 15 минути пред крајот. Бруно Фернандеш постигна утешен гол во судиското надополнување на времето.

Триумфот на Данците не им „легна“ на Норвежаните, кои имаат три бода помалку на третото место во групата.

Ова е прв пораз на Португалија во овогодинешното издание на Лигата на нации по четири последователни победи.

Претходно, Фудбалскиот сојуз на Португалија, репрезентативците и навивачите му се заблагодарија на Кристијано Роналдо.

Фудбалерите на Португалија излегоа на теренот облечени во специјално дизајнирани дресови со бројот 7.

На трибините беше истакнат голем транспарент „Ти благодариме, капитене“ со соодветна навивачка кореографија.

Во седмата минута, натпреварот беше прекинат со цел уште еднаш, на симболичен начин, да му се оддаде почит на човекот што го носеше дресот на националниот тим 23 години.

Патем, Роналдо, кој неодамна се збогува со националниот тим, не беше присутен на натпреварот во Брага.

🚨🚨🚨 🇵🇹

Portugal players walk out wearing Ronaldo’s number 7 shirt as a tribute to him.pic.twitter.com/yDSyanfKd2

— The CR7 Timeline. (@TimelineCR7) November 14, 2026

A special tribute to @Cristiano 🇵🇹

Every player in Portugal’s starting XI wore the iconic No. 7 shirt before kick-off in honour of their legendary captain following his retirement from international football ❤️#CR7 pic.twitter.com/ZybFNA4iUT

— beIN SPORTS (@beINSPORTS_EN) November 14, 2026

Foto/ EPA