Санкционирани се 158 возачи при вчерашната акциска контрола на територија на општина Гостивар, во периодот од 11 и 30 до 17 и 30 часот. Акцијата е спроведена од Секторот за сообраќајни работи при Одделот за униформирана полиција, Биро за јавна безбедност и Мобилната единица за безбедност на сообраќајот на патиштата, информираат утрово од Министерството за внатрешни работи.
„При контролата санкционирани се 158 возачи, од кои 47 за возење без возачка дозвола, 20 санкции поради измината важност на сообраќајната дозвола, 23 мерки за непрописно вградени фолии – затемнети стакла, седум санкции за возење без лекарско уверение во јавниот превоз… На сите прекршители изготвени им се соодветни поднесоци“, нагласуваат од МВР.
Сообраќајните контроли, како што се додава во соопштението, продолжуваат и во наредните денови.
„Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта“, се истакнува во соопштението на МВР.
„МИНУТИ ЗА СЕКОГО“ | Фејзи и Ѓурчиновска | ЖЕНИТЕ ОД РУРАЛНИ СРЕДИНИ
Преземено од: Линк
