Соопштение на СВР Тетово 19 март 2024
Полициски службеници на СВР Тетово-Одделение за внатрешни работи Гостивар, вчеравечер (18 март) околу 20 часот на улица „ Гоце Делчев“ во Гостивар го лишиле од слобода 50-годишниот А.Т. од Република Албанија. Тој претходно бил пријавен од 54-годишен гостиварец дека на 14-ти и 15-ти овој месец во Гостивар, во два наврати, и се доближувал на неговата малолетна ќерка и ја допирал по телото. А.Т. е задржан во Полициската станица Гостивар за целосно расчистување и документирање на случајот, по што против него ќе следува соодветен поднесок.
Вчера (18 март) околу 11 часот и 50 минути на улица „18 Ноември“ во Гостивар, полициски службеници на СВР Тетово-Одделение за внатрешни работи Гостивар, со судска наредба и по распишана потерница, го привеле 42-годишниот гостиварец М.Х. за издржување на мерка притвор од 30 дена за сторено кривично дело „овозможување на употреба на наркотични дроги“, казниво по член 216 од Кривичниот законик. Лицето било спроведено во Казнено-поправната установа Затвор Скопје за издржување на мерката.
