Нејмар го купува клубот во кој ја започна кариерата?

Нејмар, фудбалер на Ал Хилал и бразилската репрезентација размислува да го купи славниот Сантос, клубот во кој ја започна кариерата.

Славниот клуб од Сао Паоло има долгови од 130 милиони евра, а идејата на Нејмар е заеднос со неговиот татко да ги купи сите акции на клубот.

Тој сака да го следи патот на славниот сонародник Роналдо, кој пред неколку години купи 90 отсто од акциите на Крузеиро, каде што почна да игра фудбал.

Нејмар го носеше дресот на Сантос до 2013 година кога се пресели во Барселона. Потоа играше за ПСЖ, пред лани да потпише договор со Ал Хилал.