Израелскиот премиер Бенјамин Нетанјаху се откажа од одмаздата против Иран по разговорите со американскиот претседател Џозеф Бајден, објави Њујорк Тајмс.
Весникот наведува дека во телефонски разговор, Бајден го одвратил Нетанјаху да одобри итен одмазднички напад против Иран откако Техеран минатата ноќ лансираше околу 300 беспилотни летала и проектили врз Израел.
Според извештаите, неколку членови на израелскиот воен кабинет биле за започнување на одмазднички напад врз Иран, но тој бил откажан бидејќи не била предизвикана сериозна штета во иранските напади, како и поради разговорот на Нетанјаху со Бајден, The Times of Israel.
Да потсетиме, Бајден рече дека САД го поддржуваат Израел кога се во прашање заканите од Иран, но дека нема да учествуваат во евентуален напад врз Иран.
Иран го започна нападот врз Израел како „одмазда за бомбардирањето на нивните дипломатски објекти во Дамаск“.
Преземено од: GostivarPress
