Бројот на ученици во редовните основни училишта на крајот на 2022/2023 година е намален за 1,4 проценти, а бројот на ученици во средните училишта за 3,9 проценти во однос на претходната учебна година, покажуваат податоците објавени од Државниот завод за статистика.
Според статистичките податоци, во учебната 2022/2023 година во основните училишта имало вкупно 182 245 ученици, во споредба со претходната учебна 2021/2022 година каде биле 184 910 ученици. Во основните училишта зголемен е бројот на вработени за 283 наставници.
Во средните училишта бројот на ученици во 2022/2023 изнесува 66 678 ученици, 2 700 помалку од претходната учебна година во која биле запишани 69 378 ученици. Бројот на наставници во споредба на овие две учебни години во средните училишта е намален за 55.
Податоците покажуваат 5 365 помалку ученици и дека за една година се затворени 14 училишта.
Преземено од: GostivarPress
