Само во месец февруари Франција набавила течен природен гас (ЛНГ) од Русија во вредност од 322,3 милиони евра, што е за 10 отсто повеќе од претходниот месец, севкупно, од почетокот на годината Париз платил над 600 милиони евра на Москва за снабдување со гас, со што стана најголем увозник на руски гас во ЕУ, покажуваат податоците анализирани од Центарот за истражување на енергија и чист воздух (CREA), пренесува „Политико“.
Унгарија која беше рекордер по набавките на руски гас го намали увозот за една третина и падна на второто место.
Третото место во увозот на руски гас во Европската унија го зазема Шпанија со увоз на ЛНГ во вредност од 118,3 милиони евра.
Земја која најмногу го зголемила купувањето на гас од Русија во февруари – дури 7,8 пати, на 110,4 милиони евра, е Грција, а потоа следат новите членки на НАТО, Финска и Шведска, кои ги удвоиле набавките на 6,6 и 4,7 милиони евра.
Преземено од: GostivarPress
