Како и изминатите години во летниот период и годинава за иселениците кои престојуваат во родниот крај во Гостивар ќе функционира посебна канцеларија за административни услуги и информации. Како што информираа од општината канцеларијата се става во функција од денес.
„Почитувани иселеници, добредојдовте дома. Покрај бројните културни активности, општина Гостивар ве пречекува и со конкретни мерки. Канцеларијата за иселеници која почнува со работа од 17 јули се наоѓа во просториите на Центарот за општински услуги на приземјето на зградата на општина Гостивар, ќе работи од 08:00 до 18:00 часот, секој работен ден, а во сабота од 10:00 до 14:00 часот.“, стои во општинското известие.
За да се обезбеди повеќе паркинг простор во време на зголемена фреквенција на сообраќај од понеделникот дворовите на училиштата во Гостивар се отворени за паркирање на возила.
Преземено од: GostivarPress
