СВР Тетово информира дека вчера (8 август) во 23.40 часот во Гостивар, полициски службеници од ОВР Гостивар го лишиле од слобода М.Д.(69) од Гостивар поради сомнение за сторено кривично дело „лихварство“.
Претходно, во 17.30 часот тој бил пријавен од Л.Б.(34) од гостиварска Долна Бањица дека заедно со Ф.М. на неговиот татко Ѓ.Б. во 2010 година на заем му дале поголема сума на пари, а потоа го натерале да плати двојно поголем износ.
Како што било пријавено, откако Л.Б. го платил долгот на неговиот татко, тие му побарале уште за камата и му се заканувале доколку не плати, извести полицијата. Тој е задржан во полициска станица Гостивар за понатамошна постапка и ќе биде изготвен соодветен поднесок.
Преземено од: GostivarPress
