Запленети се 110,2 грама златен накит и 1,7 килограми сребрен накит со вкупна вредност од 563.735 денари, откриени кај еден патник кој патувал на релација Истанбул-Гостивар.
„Со ова е спречен обид за избегнување увозни давачки во износ од 148.308 денари. Случајот е откриен на граничен премин Богородица кога царинските службеници поради сомнение, извршиле контрола на автобус и на патниците кои патувале со него. По извршениот претрес, кај едно од лицата во џебот од неговиот елек и во патната торба беше пронајден златен и сребрен накит.“, соопшти Царинската управа.
Од таму додаваат дека предметот е предаден на Секторот за контрола и истраги, при што преземени се понатамошни дејствија, а против лицето ќе биде поднесена кривична пријава.
Преземено од: GostivarPress
