Фудбалскиот тренер на Милан, Пауло Фонсека изјави дека не е во конфликт со Рафаел Леа и Тео Ернандез, кои не беа стартери на вчерашниот натпревар од третото коло на Серија А против Лацио (2:2), пренесува Ројтерс.
Фонсека реши да внесе двајца фудбалери во игра во 70. минута. Три минути подоцна имаше тајм аут за освежување на играчите.
Италијанските медиуми потсетуваат дека Леао и Ернандез не беа со тренерот и соиграчите на тајм-аутот, туку останаа на другата страна од теренот.
„Немам проблем со Леа и Ернандез, мислам дека Тео веќе објасни се. Не би требало да има проблем, бидејќи разговарав со играчите во текот на неделата и им ја објаснив одлуката, која тие ја прифатија. Нема проблем“, изјави Фонсека за DAZN.
Фудбалерите на Милан освоија само два бода во првите три кола од Серија А.
„Одигравме добро во првото полувреме, бидејќи ја контролиравме топката. Второто полувреме беше поинаку. Му дозволивме на Лацио да игра, затоа што застанавме. Кога тимот ќе престане да притиска и игра храбро, не можеме да создадеме простори. Мораме да го контролираме игра“, додаде тренерот на Милан.
Фудбалерите на Милан на свој терен ќе ја пречекаат Венеција во следното коло од Серија А, пренесува Танјуг.
Преземено од: TopSport
