Во пресрет на најпрестижното светско натпреварување Мис Универзум кое на жените им овозможува да се истакнат не само со својата убавина, туку и со својата визија и вредности, а со кои можат да придонесат во општеството, благодарение на модната агенција „Даман“ од Турција оваа престижна светска манифестација е поблиску и до нас, годинава за првпат ќе има учесничка и од нашата држава. Светскиот избор годинава ќе се одржи на 16 ноември во Мексико Сити, и тој слави културна различност, поддржува проекти за општествена одговорност и воедно ги спојува сите култури и различности од целиот свет.
Девоојката која ќе ја освои ваа престижна титула ќе добие награда од 50.000 евра.
Минатата година манифестацијата се одржа во Сан Салвадор, а круната ја однесе 23-годишната Шинис Паласиос од Никарагва.
Минатогодишниот избор беше впечатлив и по тоа што во финалето поминаа и две трансродни кандидатки, што беше прв ваков случај во историјата, а тоа беа убавиците од Португалија – стјуардесата Марина Машечи, и Рики Коле од Холандија.
„Среќни сме што ја добивме лиценцата и поддршката на Мис Универзум, а воедно и можноста да организираме ваков голем настан кој ќе се одржува секоја година“, велат од модната агенција Даман. Домашниот избор Miss Universe – North Macedonia ќе се одржи на 8 октомври во Националната опера и балет, а учество ќе земат 20 девојки од целата земја.
Дури 20 убавици на едно место, но само една со можност да ја добие круната која ќе ја однесе во Мексико на 73. Избор за Мис Универзум каде заедно со уште 130 девојки од целиот свет ќе се бори за престижната титула.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Loading …
Преземено од: Линк
