Општина Гостивар информира дека во тек се инфраструктурни зафати во населбата Малеарди и Кеј Вардар, кадешто се работи на уредување улици.
„Станува збор за целосно асфалтирање на улицата во Малеарди кај старите гробишта на Гостивар од 300 метри со широчина од 6,5 метри. Тука спаѓаат тротоарите како и покривањето на каналот што претставуваше опасност за граѓаните. На улицата Кеј Вардар работите опфаќаат асфалтирање во должина од 303 метри со ширина од 5 метри, како и 192 м2 тротоари “, известија од локалната самоуправа.
Од таму додаваат дека и во наредниот период се очекуваат асфалтирање и други инфраструктурни работи.
Преземено од: GostivarPress
