Надуеноста и дигестивните проблеми се вообичаени проблеми кои можат да бидат резултат на исхрана, стрес и воспаление во дигестивниот систем. Лошата дигестија може да доведе до гасови и надуеност, што влијае на дневното ниво на енергија. Добрата вест е дека додавањето антиинфламаторна храна во вашата исхрана може да помогне да се смири дигестивниот систем, да се намали надуеноста и воспалението и да се промовира здрава рамнотежа на цревните бактерии. Ова се дел од намирниците кои придонесуваат за здраво варење и борба против воспаленија, според нутриционистите.
Јогурт
Јогуртот не е само вкусен напиток кој е одличен за појадок или вечера, туку носи и бројни здравствени придобивки, особено за варење. Богат со пробиотици, јогуртот е основа на здрав цревен микробиом.
Јогуртот е клучен за избалансиран цревен микробиом, кој е важен за здравјето на дигестивниот и имунолошкиот систем. Исто така, комбинацијата на протеини и пробиотици помага да се чувствувате сити, што го прави корисен за слабеење.
Лосос
Лососот е одличен извор на протеини и е богат со омега-3 масни киселини, кои го намалуваат воспалението во цревата и го подобруваат целокупното дигестивно здравје. Омега-3 киселините придонесуваат за урамнотежена средина во цревата. Покрај тоа, со неговата висока содржина на протеини, лососот може да ја зголеми стапката на метаболизам и да го намали апетитот, што е корисно за одржување на тежината.
Мешунки (леќа, наут, грав)
Мешунките се одличен извор на растителни протеини и влакна, кои промовираат редовно и здраво варење и ги потхрануваат цревните бактерии. Леќата е една од најдоброте избори на влакна односно приближно 200 грама варена леќа содржи околу 16 грама влакна. Комбинацијата на протеини и влакна ја прави леќата заситен додаток на салати, супи и чинии со житарки.
Чиа семе
Чиа семето е богато со растворливи влакна. Кога се консумираат, чиа семките апсорбираат вода и формираат супстанца слична на гел во дигестивниот систем, која промовира ситост и го олеснува варењето. Чиа семето може да се додаде во смути, јогурт или овесна каша за да се додадат влакна и омега-3 масни киселини.
Авокадо
Авокадото содржи растворливи и нерастворливи влакна, кои го поддржуваат здравјето на дигестивниот систем и е богато со здрави мононезаситени масти кои се корисни за срцето.
Преземено од: GostivarPress
