Вчера (18.11.2024) во 14.40 часот, полициски службеници од ОВР Гостивар го лишиле од слобода 70 годишниот гостиварец Н.И.. Претходно, тој бил пријавен од З.М.(55) од Гостивар дека врши бесправна сеча на огревно дрво на место викано ,,Крст“ во Сушица, гостиварско.
„Извршен бил увид во содејство со вработени во Шумска полиција, при што било констатирано дека биле исечени 19 стeбла огревно дрво на државно земјиште, кои биле одземени од него. Н.И. бил задржан во полициска станица и по целосно документирање на случајот, против него ќе следува соодветна пријава.“, соопшти СВР Тетово.
Потоа, во 17.20 часот во Полициската станица Гостивар, Н.И. пријавил дека околу 10.00 часот на истото место во Сушица бил физички нападнат од З.М., кој користел и дрвен предмет.
Преземено од: GostivarPress
