(Видео) Интер за полувреме „пукна петарда“ во Верона

Интер ја декласира Верона на стадионот „Бентегоди“ со 5:0, во 13.коло во Серија А.

Сите пет гола гостите од Милано ги постигнаа во периодот од 17. до 41. минута.

Аргентинецот Хоакин Кореа го постигна водечкиот гол, а потоа додаде уште две асистенции, за двојниот стрелец Маркус Тирам во 22. и 25. минута.

Последните два гола ги постигнаа играчите од одбраната Стефан де Фрај и Јан Аурел Бизек.

Со овие три бода, шампионот на Италија го престигна лидерот Наполи и сега е на чело на табелата со 28 бодови, два повеќе од избраниците на Антонио Конте, кои својот натпревар од 13. коло го играат в недела против Рома.