Зголемувањето на телесната тежина за време на менопаузата е чест проблем кој всушност често почнува да се појавува за време на перименопаузата, периодот кој и претходи на менопаузата.
„Промените во нивото на хормоните, како што е падот на естрогенот, влијаат на тоа како телото ги складира и метаболизира мастите, што доведува до зголемување на масното ткиво, особено на абдоменот“, објаснува гинекологот др. Пријанка Венугопал за паради. Сепак, хормоните не се единствената причина за овие промени.
Хормоналните флуктуации влијаат и на распределбата на масното ткиво, а не на бројот на вагата. „Студија од 2022 година покажува дека обемот на половината се зголемува и телото ја менува формата за време на менопаузата, дури и ако телесната тежина остане иста“, посочува гинекологот др. Димпна Веил. Губењето на мускулната маса, природен процес на стареење, дополнително придонесува за зголемување на стомачните масти.
д-р. Венугопал предупредува и за главната, неочекувана причина за зголемување на телесната тежина за која не се зборува толку често – стресот. „Годините на живеење под висок стрес почнуваат да влијаат на телото по 40-тата година од животот, кога постојаното ниво на кортизол го зголемува складирањето на маснотии“, објаснува таа. Лошата исхрана и недостатокот на физичка активност дополнително ги влошуваат ефектите од стресот.
Експертите советуваат враќање на основните принципи на здрав живот: урамнотежена исхрана богата со протеини, редовно вежбање, ефикасно управување со стресот и доволно сон.
„Промените во животниот стил, како што се подобра исхрана и повеќе вежбање, можат значително да го олеснат губењето на тежината“, додава др. Венугопал.
Доколку промената на исхраната и навиките не донесе резултати, др. Вејл советува консултација со лекар или ендокринолог. „Важно е да се препознаат можните скриени причини за зголемување на телесната тежина и да се добијат персонализирани препораки“, истакнува таа. Иако зголемувањето на телесната тежина за време на менопаузата е вообичаено, со правилни чекори и професионална поддршка, можно е да се одржи здрава тежина, пренесува Н1.ба.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Преземено од: Линк
