Во новата 2025-та година, гостиварската локална самоуправа ќе издвојува по 6.000 денари за секое новороденче од територијата на општината.
Ова е нова мерка, која на денешната седница на Советот на Општина Гостивар ја предложи градначалникот Ваљбон Лимани и е предвидена во буџетот за следната година.
„Општината ќе доделува еднократна парична помош од 6.000 денари за секое новороденче. Верувам дека оваа мерка ќе им помогне на сите родители од нашата општина кои ќе добијат бебе. Финансиските средства се предвидуваат во Програмата за социјална и детска заштита.“, рече Лимани.
Градоначалникот најави дека наредната година ќе биде предложено и доделување на одреден износ за првачиња.
Преземено од: GostivarPress
