Лацио во драмтичен натпревар го победи Милан на „Сан Сиро“ во Милано со 2:1. Натпреварот одигран во рамките на 27.коло, го реши ветеранот Педро од пенал во 98.минута. Во последните 35 години ова е само втора победа на Лацио против Милан во Милано.
Милан влезе во „црна дупка“ од која не мопже да се извлече. Против Лацио го забележа третиот пораз во низа во Серија А. Милан со 41 бод падна на деветтото место на табелата и како што стојат работите пласман во Лигата на шампионите е мислена именка за црвено-црните.
Лацио со оваа победа „скокна“ во зоната на лигата на шампионите. Екипата на Барони се наоѓа на четвртотот место со 50 поени, еден повеќе од петтопласираниот Јувентус.
Овој пораз ги разниша позициите на тренерот Серж Консеисао. Минатата недела, италијанските медиуми пишуваа дека Консеисао со Милан мора да ги добие натпреварите против Болоња и Лацио за да остане на функцијата. Милан двата натпревари ги загуби.
Што се однесува до натпреварот, Лацио дојде до предност во 28.минута со голот на капитенот Закањи. Милан играше подобро во вториот дел, не успеа да постигне гол до 68.минута, но остана со играч помалку. Српскиот репрезентативец Павловиќ доби директен црвен картон.
Лацио во последните 10 минути непотребно се повлече, Милан го искористи тоа и преку Чукуезе изедначи во 85.минута.
И кога се сите го чекаа крајот на натпреварот, Мењон направи фаул врз Исаксен. ВАР интервенираше, судијата покажа на белата точка, а Педро погоди за триумф на Лацио.
Преземено од: TopSport
