Шефот на данската дипломатија, Ларс Локе Расмусен, денеска изјави дека Гренланд не може никој да го припои, реагирајќи на изјавите на американскиот претседател Доналд Трамп за можна анексија на Гренланд.
- Не можете да анектирате земја сојузник или која било друга земја, бидејќи тоа го прекршува меѓународното право, рече тој во интервју за ТВ 2.
Данскиот министер, исто така, изрази уверување во „поддршката на НАТО“ во контекст на претензиите на Трамп за островот, објави данскиот јавен сервис, додавајќи дека „не гледа желба меѓу Гренланѓаните да бидат Американци“.
За време на вчерашната средба со генералниот секретар на НАТО, Марк Руте, американскиот претседател Доналд Трамп рече дека мисли дека ќе има анексија на Гренланд бидејќи тоа е неопходно „за меѓународна безбедност“.
Потоа, вршителот на должноста премиер на Гренланд Муте Егеде најави дека ќе иницира состанок на партиските лидери од островот.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Преземено од: Линк
