Две илјади новинари од различни медиуми ширум светот се акредитирани да известуваат за настаните поврзани со поклонението и погребот на папата Франциск, јави АНСА. Тие се дополнување на 500-те новинари кои ги покриваат настаните поврзани со Ватикан за различни медиуми во светот.
За безбедноста за време на погребот се ангажирани околу 2.000 полицајци.
Во базиликата „Свети Петар“ денеска луѓето продолжуваат да му оддаваат почит на Папата.
Според органите на редот, на церемонијата за пренесување на ковчегот со телото на папата Франциск од резиденцијата „Санта Марта“ до базиликата, каде што поклонението ќе продолжи до петок до 19 часот по локално време, присуствувале околу 20.000 луѓе.
Еден час по завршувањето на богослужбата, во петок 20 часот ќе се одржи ритуалот на затворање на ковчегот на Папата, а него повторно ќе го предводи ватиканскиот коморник, кардиналот Кевин Фарел.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Преземено од: Линк
