Донарума е воодушевен од Гатузо

Голманот на ПСЖ, Џанлуиџи Донарума, не го криеше своето задоволство од назначувањето на Џанаро Гатузо за селектор на Италија.

Донарума имаше можност да работи со Гатузо кога беше во Милан од 2017 до 2019 година.

„Воодушевен сум. Веќе разговарав со Гатузо неколку пати. Тој е навистина мотивиран, исто како и ние. Се надевам дека можеме да постигнеме големи работи заедно. Многу сум среќен што тој е новиот селектор“, рече Донарума.

Италија не се квалификуваше на претходните две Светски првенства во Русија 2018, како и четири години подоцна, кога Светското првенство се одржа во Катар.